दिल्लीमा बाबुरामले भने– भारतले नेपालको संविधान समावेशी हुनुपर्छ भन्नु हस्तक्षेप होइन

192
Loading...

नयाँशक्ति पार्टीका संयोजक तथा पूर्बप्रधानमन्त्री बाबुराम भट्टराईले भारतले नेपालमा ‘समाबेशी लोकतन्त्र’ हुनुपर्छ भन्नु नेपालको आन्तरिक मामिलामा हस्तक्षेप नभएको बताएका छन् । नेपालका समाबेशी पक्षधर शक्तिलाई भारतले सहयोग नगरेको भन्दै उनले आक्रोस समेत राखे ।

नयाँदिल्लीस्थित थिंकट्यांक ‘सेन्टर फर पोलिसी रिसर्च’ द्वारा आयोजित छलफल कार्यक्रममा शुक्रबार भट्टराईले छिमेकी राष्ट्रहरुलाई समेत प्रभावित पार्ने यस्ता नीतिगत मुद्दामा भारतले बोल्नुलाई हस्तक्षेप ठान्नु नहुने बताएका हुन् ।

‘तर अन्य देशका बिशिष्टि आन्तरिक बिषयहरु, को नेता हुने, कुन नेतालाई सहयोग गर्ने÷नगर्ने जस्ता बिषयमा बोलेमा भने आन्तरिक मामिलामा हस्तक्षेप हुन्छ’ भारतीय सहयोगमा प्रधानमन्त्री बनेका भट्टराईले भने ।

नेपालको नयाँ संविधान समाबेशी नभएको भन्ने भारतको निरन्तरको अडान हो वा होइन भन्ने बुझ्न आफूले नसकेको उनले बताए । ‘भारतले डेढबर्ष यतादेखि समाबेशी संविधानको बिषयमा जोड दिएको छ । तर यदी भारतको प्राथमिकता थियो भने किन उसले संविधानसभाको निर्वाचनमा समाबेशी पक्षधर शक्तिलाई सहयोग गरेन ?’ उनले भने ।

नयाँदिल्लीस्थित थिंकट्यांक ‘सेन्टर फर पोलिसी रिसर्च’ द्वारा आयोजित छलफल कार्यक्रममा शुक्रबार भट्टराईले छिमेकी राष्ट्रहरुलाई समेत प्रभावित पार्ने यस्ता नीतिगत मुद्दामा भारतले बोल्नुलाई हस्तक्षेप ठान्नु नहुने बताएका हुन् ।

नेपालमा कुनै दल र नेता बिशेषलाई प्रबद्र्धन गर्नु आन्तरिक मामिलामा हस्तक्षेप भएको बताएका नेता भट्टराईले समाबेशी पक्षघर शक्तिलाई संविधानसभाको निर्वाचनमा किन सहयोग नगरेको भन्दै आफ्नै भनाई खण्डित गरेका छन् । उनले संविधान समाबेशी नभएको भन्ने नेपालका राजनीतिक शक्तिहरुलाई भारतले निरन्तर सहयोग गर्नुपर्ने बताए ।

नेपालको संविधान समाबेशी नभएको भन्दै मधेशी मोर्चाले निरन्तर असन्तुष्टी ब्यक्त गर्दै आएको छ भने संविधान समाबेशी नभएको भन्नेमा भट्टराई पनि पर्छन् । त्यसअर्थमा भट्टराईले भारतलाई प्रष्ट रुपमा मधेशी दल र नयाँशक्ति पार्टीलाई समर्थन गर्न आग्रह गरेका हुन् ।

माओवादीका तर्फबाट सरकारको नेतृत्व गर्दा आफुले ‘परिवर्तनकारी र समाबेशी शक्ति’ लाई लिएर संविधान बनाउन चाहेको तर त्यसमा भारतको समर्थन नरहेको भन्दै भट्टराईले आक्रोस समेत पोखे । ‘जव ‘परिवर्तनकारी’ शक्तिहरु कमजोर भएर ‘प्रतिगमनकारी’ शक्तिहरु बलियो भए तव मात्र भारतले संविधान बनाउन सहयोग गर्न खोजिएको देखियो’ उनले भने ।

नेपाल–भारत सम्बन्धमा बिश्वासको संकट रहेको भन्दै जेएनयु दिक्षित भट्टराईले नयाँ सिराबाट सम्बन्ध अघि बढाउन चाहेको हो भने दुबै पक्षले त्यसको महसुस गर्नुपर्ने बताए ।

Loading...

LEAVE A REPLY